Langour to leive allace
Langour to leive allace
my labour Is in vane
Sen þair is nowþir grace
nor ȝit rewaird agane
Quhat sall I do or say
I am with sorrow slane
and dyis nicht & day
withowt hir luve agane
Was nevir ma[n] in erd
moir faithfull & moir plane
Suppois it be my werd
To luve vnluvit agane
I do luve best allane
my lady souerane
Thir ȝeiris mony ane
withowt hir luve agane
Ffor nowdir wald schew rew
nor beir me at disdane
bot lute me ay p[er]sew
withowt hir luve agane
Hir fenȝeit wordis fals
of richtnot maid me fane
and held me in the hals
To lufe vnluvit agane
And als the luik vnleill
of hir bricht fair ene twane
Gart me beleif alhaill
To haif hir luve agane
Bot sen I se hir hairt
and mynd is vncertane
I sall in tyme rewairt
my luve frome hir agane
Sen scho hes nowþir rewth
nor mercy suth to sane
Lat falset to vntrewth
and trest to trow agane
And sen my hairt is fre
I bid not for to lane
I sall awysit be
or I hir luve agane
Thairfoir my hairt tak heid
quhomefor thow suffer pane
and luik weill for remeid
or þat thow luve agane
Scho þat the list to luve
Se (þat, struck through) thow (suffer, struck through) with hir remane
and nevir moir remvue
bot luve hir best agane
Ffinis q Scott