Poems

So prayiss me as ȝe think causs quhy
And lufe me as ȝow lykis best
As pleisis ȝow so plesit am I
Gif not I fynd of not I traist

I am as I am and so will I be
(h, struck through) Bot how that I am nane knawis trewlie
be it evill be it weill be I bund be I fre
I am as I am and so will I be

Langour to leive allace
my labour Is in vane
Sen þair is nowþir grace
nor ȝit rewaird agane

Ffavour is fair, in luvis lair,
ȝit freindschip mair, bene to co[m]mend
Bot quhair despair, bene adwersare
Nothing Is thair, Bot wofull End

Thir lenterne dayis ar luvely lang
and I will mvrne ne mair
nor for no mirthles may me mang
that will not for me cair
I wilbe glaid & latt hir gang
with falsat in hir fair
I fynd ane freschar feir to fang
baith of hyd hew and hair

Returne th (y, struck through)ehairt hamewart agane
and byd quhair thow was wont to be
Thow art ane fule to suffer pane
for luve of hir þat luvis not the
my hairt lat be sic fantesie
Luve nane bot as they mak the causs
and lat hir seik ane hairt for the
for feind a crum of the scho fawis

Quhen ȝe wer plesit to pleiss me hertfully
I was applesit to pleiss ȝow sickerly
Sen ȝe ar pleisit To pleiss ane vþir wy
Be nocht displesit To pleiss quhair plesit am I

Quhy sowld I luve bot gif I war luvit
Quhy sowld I sett myne hert in variance
Quhy sowld I do the thing to be reprovit
Vnto my spreit it war richt grit grevance
Quhy sowld I schamefully thus me avance
To lovin on and scho not loving me
Than war I gydit with misgovirnance
That I sowld luve and I not lovit be

Irkit I am wt (inwart siching sair) langu[m] luvis lair
oursett with Inwart siching sair,
for in the presone of dispair, I ly
Seing Ilk wicht gettis sum weilfair, bot I

I mvse and m[er]vellis in my mynd
Quhat way to wryt or put in verss
The quent consaitis of weme[n]kynd
or half thair havingis to reherssy
I fynd thair haill affectioun
So contrair thair co[m]plexioun

Ffane wald I luve bot quhair abowt
Thair Is so mony luvaris þairowt
That thair Is left no place to me
quhairof I hovit now in dowt
gif I sowld luve or lat it be

In Iune the Iem, of Ioy and geme,
this prese[n]t to co[m]pyle express
but hurt but wem, or wind to stem,
Inarmit I am, with haviness
wantone in weill bot wo, (Gla, struck through)
Glaid wt owt greif also,
and fre of every fo [mark, looks like circle with diagonal line through] \ That I confess

Thair is not ane winche þat I se
Sall win ane wantage of me
Be scho fals I salbe sle
and say to dispyt hir
be scho trew I will confyd (^ with dot above)
will scho remane I sall abyd
awill scho slip I will bot slyd
and so sall I quyt hir

To luve vnluvit it is ane pane
Ffor scho þat is my souerane
Sum wantoun ma[n] so he hes set hir
That I ca[n] get no lufe agane
Bot brekis my hairt & not the (bethi, struck through)bettir

My hart is quhyt, and no delyte, I haif of ladeis fair
I wyte, I flyte, all in dispyte, þat evir I leird þat lair
Tit but respyte, I clene þe quyte, for now and evir mair
Thairfoir I dyte, þis writt p[er]fyte, ffairweill now feildis fair
The suth is so, be god my Io, I will fenȝe na mair
Thot vmq legrit wes appetite, Thair is wa[n] tyme of wair

In all this warld no man may wit
Thair no power nor knawlege may
the counsale craft nor kyndnes keip it
na Trest in It þat weme[n] will say
The knot þat I wend had bene knit
of luve and faithfulnes for ay
I se it lowisd and luve is flit
Quhat hand may had that will away